ابن عبد الرحمَن – بديت حديثي ومنين نبداه على حالي
ابن عبد الرحمَن - بديت حديثي ومنين نبداه على حالي
. .هدية من ابن عبد الرحمان لكم جميعا الحقوق مسجلةلدى مكتب حقوق الملكية الفكرية
بديت حديثي ومنين نبداه على حالي
وحالي شكى علي حتى هو حالو
وحملي حمل حملو وما بقى حامل حوالي
وحملتني حملة ليام الحاملة حمالو
ما نضن ذاق مذاق الضيق حد وما الزمان سقا لي
لأني كريم شربت منو الهموم كلها ولا هم بقا لو
هل يا ترى يجرى فمجرى الدنيا ليك ما جرى لي
غير الا كنت هبيل بهيل مهيل فمقالو
علاه اللي قلبو علاَه ..بحالي أنا اللي قسا علي
وخلاني لامحاني المحاني وتمحنو فمحانو
كنت اللي يجيب الجيب الله يجيب ما ديالي
تسحابني الأحباب ماشي سحاب كلها تسقي الراشقا لو
ونرجع رجوع الراجع لله أنا من غيرو ما لي
هو .. سبحانه اله ولا حد هو بحالو
أعمالي وخصالي واقوالي هي الباقية لي
مابقا لحد كنوز ولا موالي الا دوك فعالو
سعداتنا بالكريم اللي يكرم اللي كرموه العدا بحالي
ويكرمو بكرامات الكرام في السما ويسما لو
ونكول جازى الله اهل هاد الموقع وناسو اللي بحالي
اللي يحبو فن أرض المغرب اللي لا بلاد بحالو
ونختم حدبثي بالصلاة والسلام عتى العربي راسمالي
سيدنا محمد اللي ما صلى عليه حتى شى ما يحلى لو