التزنيتي عبد اللطيف – الـْواحَدْ وَحْدو ما يـْساوي
التزنيتي عبد اللطيف - الـْواحَدْ وَحْدو ما يـْساوي
إلى من يهمه الأمر
(الـْواحَدْ وَحْدو ما يـْساوي)
ضـْحــََكْ وْ قـــالْ الــرّاوي
الـْحـٌبْ يَـجـْرَحْ ِويـْــداوي :
مايـْظـَنْ حَدْ راهو مـَرْ تـاحْ
.إيـلا كــان قـَلـْبو خــــاوي
صْـدَقْ كـْلامْ الـــــــــــرّاوي
الـْواحَدْ وَحـْدو ما يْســــاوي
مايـَجْبـَرْ فْ ليــلو مَصْباحْ
.ما يْجي صْباحو ضـــا وي
***
يا اللـّي هارْبينْ مَنْ الـْحٌبْ وْخايـْفينْ
ظانــّينـو بَحْـرْ عامَـرْ باَلـْغارْ قـيـــنْ
وَالنـّاجــــي شارَبْ مَن ْمـــاهْ
خـْلـَقْ اللهْ مَنْ كـٌلْ حاجَه ثـْـنيـــــنْ
وْكــٌلْ واحـدْ عـارَفْ ثانيهْ فـيـــــنْ
وَسْطـْ الظـَّـلـْمَه يـَلـْقـــــاهْ
يوصَلْ هٌوا ِويّاهْ شَطـْ الـْعاشـْـقيــنْ
وَالـْقـَلـْبْ اللـّي كانْ هايَمْ وَحْزيـــنْ
.يـْصيبْ راحـْـتو وَهـْنــــاهْ
كلمات : التزنيتي عبد اللطيف
2008
