التزنيتي عبد اللطيف – بَعـَّدْ سَمـَّـكْ مـَنـّي
التزنيتي عبد اللطيف - بَعـَّدْ سَمـَّـكْ مـَنـّي
بمناسبة اليوم العالمي لوقف التدخين،أقدم لأخواني زوار هذا الركن هذه المحاولة
( بَعـَّدْ سَمـَّـكْ مـَنـّي )
يا اللــِّي جاتــو شـَهـْوَة ْ الـْكارّو
وَشـْـتا قـَتْ نـَفـْسـو لـَضـْبابــــــو
شـُوفْ شـْحالْ مَنْ واحَدْ ضارّو
وَشْحالْ مَنْ فـْراقْ كانْ سْبابـــــو
***
رَدْ الـْبالْ راهْ فْ يَدَّكْ قـَتـّـــــالْ
كـُلْ نـَتـْرَه تاخـُدْ مَنـّـََكْ ساعـاتْ
ضاعـَتْ الصَّحَه وْضَاعْ الـْمـالْ
فْ نـَشـْوَه حـْرامْ وْراحَه ماجاتْ
***
بـَعـَّدْ سـَمـَّكْ مـَنـّي عـَفــــــــاكْ
يا الـْقاتـَلْ راســو وَرْحَمـْـنـــــي
دُخـّـــانْ الـْمـــوتْ راهْ اتـْعَدّاكْ
ظـالـَمْ نـَفـْسَـكْ وْظالـَمْــنــــــــــي
***
ما جاك لِـيـّامْ بَخـْبارْ صْعيــبَـــه
يا الـْمَبـْـلي وَشـْكـونْ يَعـْــــــــدَرْ
حَسـْرَه وْخوفْ مَنْ موتْ قـْريبَه
وَصْدَرْ عـْلى نـَتـْرَه مابـْقى يَقـْدَرْ
***
ماكانْ مَن الأوَّلْ يامَسـْـكيـــــنْ
شْحالْ مَنْ كـْبيرْمازالْ فـَشـْبابـــو
داتْ نـْقِـيَه ما عـَرْفـاتْ نيكوتينْ
وْ قـَلـْبْ صافي يْحَـبْ حْـبابـــــــو
دازْ مـَنْ حْدانا كـيفْ الطـّيـــــر
وَحـْنا غادْيينْ حْـزانْ نـْـــزوروكْ
كايـْـقولْ بـَلـْسانْ الـْحالْ لـَلـْغيـرْ
يا اللـّي وَ قـَّـفْ التـّدْخينْ مَبْــــروكْ
