محمد الصقلي
ما تطلب منّيش المُحال إلا بْغيت
أنا استغنيت عليك
وحسّيت باللّي هاذ الكون واسع
وأكبر وأجمل من عينيك
ماشي لخاطري قبلت نبعّد ونهرب
وأنا كنبغيك
نفارقك وأنا متأزّم
نبقى معاك أو نسامح فيك
ماشي لخاطري يا عينيّ
كنتألّم إذا سوّلوني الناس عليك
من قبل يا ما كنت نشوف أنا المسكين
بعين الخوف العالم لُعبة بين يدّيك
ولمّا راجعت حسابي لقيت عشقي فاق الخيال
واللّي عانيتُ في الحبّ لقيتُ فات كلّ احتمال
واليوم اليوم مهما كان الحال لازم نتحدّى المُحال
نجرّب الحياة بلا بيك لازم نقاوم هاذ القلب
اللّي ما قدرش يعيش بلا بيك