حجبوك لعْدا يا ولفي
حجبوك لعدا..
ونار الشوق يا ولفي
ما بغات تْهدا
ومع لحزان والوحده
ضاعت أيّام..
وحالف ما يضيع غدّا
أنا بلا بيك
مخلوق تالف فـ الظّلمه
لا سمايا فيها نجمه
ولا طريقي .. تنبت حداها ورده
حجبوك لعدا
حجبوك لعدا وظنّوني
دغيا ننساك
ظنّوني نفرّط فـ هواك..
كيفاش وانت فـ عروقي
نَبض ورَعشة
عُمري يرخص فـ بعادك
يصبح مفقود..
وذاتي ما لها وجود..
وعليك نقاسي لمحان..
نتحمّل الشدّه..
حجبوك لعدا..
لو بْناوْ عليك سور
نهدّو بدراعي…
أو قطعو بيك لبحور..
نشُقها بشراعي..
لو حطّوك فـ جبل عالي..
أو حتّى التّلت الخالي
لازم مَش نوصلّيك
ونذوّب حرّ الليالي
يعياو لعدا..
وأنا عمري ما نعيا
أنا بهواك..
عايش.. وبيك كنحيا
نعشق صبري..
ونخلّي شوقي جديد
وعلى طريقي ما نحيد
مهما تطوال المدّه..
وحجبوك لعدا