هاهي هاهي هاهي هاهي هاي
شحال د الهم
هاهي هاهي هاهي هاهي هاي
شحال د النحس
هاهي هاهي هاهي هاهي هاي
شحال د الغم
أوووووف
ياك آودي لاباس
شحال د الصداع
ياك آودي لاباس
شحال د الكلام
ياك آودي لاباس
لالالالالا
ياك آودي لاباس
فين كنتي
ياك آودي لاباس
و منين جيتي
ياك آودي لاباس
آش عملتي
ياك آودي لاباس
فين غادي
ياك آودي لاباس
أي هاهي هاهي هاهي هاي
شحال د الهاراج
أييييييييه
*-*-*-*-*-*-*
حكايتي مع نسيبتي حكاية
إلى بغيت تسمع آجي لحدايا
ما نقدشي نغوت نخافها تسمعني
إلى غمزت أو يشرت بالخف تقشعني
مرا كي الهيشة فلقمة تبلعني
*-*-*-*-*-*-*
تجي تشوفني تلقاني فالخير
تضرب لي الطر و تزيد البندير
عندها فالخطا جمال التعبير
ما عرفتشي معاها كيفاش ندير
كلامها نقي ووجها قصدير
*-*-*-*-*-*-*
أنا مسمياني خاوي لجياب
حبابي عندها كلهم غير ذياب
مرا حافظة قاموس التعياب
سعدي تكفس معاها و خياب
شعري بالفقايس من صغري شاب
*-*-*-*-*-*-*
نسيبتي إلى دوات الناس يسكتو
كيفها كيف عزرايل قبل وقتو
و اللي هضر ذ نوبو فرقبتو
دغيا تقاطعو و تصبح تمقتو
و اللي سمع و بلع يا فرحاتو
*-*-*-*-*-*-*
تاتقول لمراتي راجلك بهلول
غادي فالزناقي و فمو محلول
فالماكلة مشوه يحسابك غول
يفرس فاللحم و يزيد بالبلول
طلقيه نلقى ليك راجل معقول
*-*-*-*-*-*-*
إلى بغيت نعمل يدي فالنار
نقولها شكون فينا مول الدار
التالية فالتوالي نقولي شفار
و فضلها عليا و أنا نكار
و إلى دويت يخرج فيا اعتبار
