انقر لعرض كلمات الأغنية
كبرت المدينة و بدينا نصغارو بين العمارات
و تَلْفو لْحْبابْ علينا فْالزَّحمة فْدْروبْ الحياة
حْجْبْ لبْني عنْ عيْنينا آفاق، بْحور وْ سموات
و نامْتْ المْحْبة فينا … لما فات الأوان صحات
وآش لقات؟
لقات الرعشة فايدينا و سفينة العشاق مْشاتْ
كبرت المدينة و سْقينا أشجار و ازهار بدخان
زْنْدنا مَجْمْر وْ شْوينا حس و عواطف وْ وجدان
علاش غمضنا عينينا فالجنة و اطبقنا الاجفان
علاش غلقنا وْدْنينا و الكَوْن يْخاطبنا بألحان
يرتل يبلغ لينا خطاب نواجهوه بنكران
كبرت المدينة و الأسرة فين الأسرة و الشمل ملموم
احترام أصول العشرة و اللمة أبهى من مشموم
صباح و عشية و فْ سهرات تجمعنا المحبة و تْدوم
عادات جميلة يا حسرة راحت هباء فْ ساعة نوم
و اقصارت فالعين النظرة و اتْلف على العوام العوم
كبرت المدينة و الجورة ليها قيمة ليها مقام
صفا و خواطر مبشورة تسبق و تبادر بالسلام
و الحومة زاهية منضورة وقار و عفة و احترام
أمور جليلة مقدورة دفعت بمراكب للقدام
و من يعرف حق الجورة كَتْسعد بخيالو الايام
كبرت المدينة و رضينا بالغربة ، و الغربة احساس
خليناه تربى فينا و اشقانا و احنا أسعد ناس يا ناس يا ناس يا ناس
حقيقة ساكن فْ مدينة .. حقيقة عايش وسط الناس
لكن هدير الماكنة عمل لينا وجع فْ الراس
زرنا الاقراص تداوينا حبة الفياق حبة للنعاس
