التزنيتي عبد اللطيف – أجي نـَطـْفيوْ هادْ النـَّارْ
التزنيتي عبد اللطيف - أجي نـَطـْفيوْ هادْ النـَّارْ
( أجي نـَطـْفيوْ هادْ النـَّارْ )
يا الـْواخَدْ عـَقـْـِلي وْجالـَسْ وَحْدو
خـْيالـَكْ هْـنايا وَانـْتَ فينْ ؟
ياالـْمالـَكْ قـَلـْبي وْ قاطـَفْ وَرْدو
راحْـِتي وَهْـنايا جَنـْبَكْ كايْنيـنْ
قـَرَّبْ قـَرَّبْ نـَطـْـفيوْ هادْ النـَّارْ
وَالرَّدوالـْبَسْمَه لـْهادْ الدَّارْ
***
بْداتْ قـََصَّة ْ حُبْنا بَكـْري
وَناطـَفـْـلـََه وَانـْتَ دَرِّي
مـْـشينا وْ جينا مَجْموعينْ
الـْيَدْ فـَالـْيَدْ وَالـْعينْ فـَالـْعينْ
وْكانـَتْ صُحْبـَتـْنا مَعْروفـَه
وَبـْأجْمَلْ الأوْصافْ مَوْصوفـَه
وَكـْبَرْنا وْ صَرْ تي مولْ الـْبيتْ
بَاللهْ عْليكْ كيفْ تـْقولْ : مَلـِّيتْ ؟!
***
يااللــِّي كـلـَّمْناهْ وْ مارَدْ
وْماعَـنـْدو خاطـَرْ يْشوفْ حَدْ
تـْحَلـَّقْ بْعيدْ وْ تـَرْجَعْ ثاني
كيفْ كـُلْ طيرْ عْياتْ جْناحو
تـْفـَرَّقْ ِليَّامْ وْ تـَجْمَعْ ثاني
ِويْعودْ لـَلـْوَّدْ صْباحو
قـَرَّبْ قـَرَّبْ راهْ مَكـْـتوبْ
انـْتَ لـََحْبيبْ وَنا الـْمَحْبوبْ
كلمات :التزنيتي عبد اللطيف 2007
أرجو من الإخوة الكرام زوار هذا الركن بأن لايبخلو علينا بملاحظاتهم وآرائهم مشكورين
