وحداني عايش وحداني
عايش فبيت وحداني
مسامح فأرض جدادي
لا من يرد عليا الحديث
لا صوت حنين ينادي
إلى شفتوني اليوم بكيت
عرفوني تفكرت بلادي
عرفوني توحشت بلادي
هذا جهدي و أنا عييت
الغربة قطعات كبادي
و أنا وحداني
أرضي فيها الخوت
و حباب فكل مدينة
فيها جوهر فيها ياقوت
وقلوب ما زالة حنينة
خايف الوقت يفوت
و تهرب عليا السفينة
يفنى قلبي و يموت
و هديك هي الغبينة
بغيت نسمع فقيهنا
كايودن فكل صمعة
و فالدين يكثر حديثنا
نلبس و نصلي الجمعة
نرجع حر فطريقنا
نشعل ألف شمعة
نضوي بيها بيتنا
ننسى التنهيدة و الدمعة
إلى شفتوني اليوم بكيت
عرفوني تفكرت بلادي
عرفوني توحشت بلادي
هذا جهدي و أنا عييت
الغربة قطعات كبادي
و أنا وحداني