الورقة التعريفية
كلمات : فتح الله المغاري
ألحان : عبد الرحيم السقاط
التاريخ : –
انقر لعرض كلمات الأغنية
اللي بنيتو راه الريح داه
بنيت الحيط بلا لساس
بنيتو وبغيت نعيش معاه
خانني ما بين الناس.
بنيت الحيط في نوبة
واهديت ما عندي غالي
عليتو طوبة طوبة
وقلت عاد يهنى بالي
اصبرت سنين طويلة
سهرت معاه ليالي
ما نويتو يريب في ليلة
ما نويت لساسو خالي.
كان سور البارح عالي
ليه قلت جميع الأسرار
كان فيه حبيب ووالي
وكان ليا أنيس وجار
واليوم ضاعت أمالي
ما نويت في بالي غدار
كل ما عليت امشى لي
ما يبقى يظهر لو أثر
اصبرت سنين طويلة
اسهرت معاه الليالي
ما نويتو يريب في ليلة
ما نويت لساسو خالي
في حال عدم اشتغال الأغنية, المرجو
إذا تنبهتم إلى وجود أي خطأ غير مقصود في الورقة التعريفية بالأغنية أو صادفتم أي خلل أو مشكل في تشغيل الأغنية، المرجو منكم مكاتبتنا من خلال صفحة التواصل أو كتابة تعليق أسفل الصفحة وشكرا